ஐபோனை பரிசாக கொடுத்து டார்ச்சர்.. பதறியடித்து போலீஸ் ஸ்டேஷன் ஓடி வந்த மாணவி

வேலூர் மாவட்டம், குடியாத்தம் அருகே பிளஸ் 1 மாணவி மீது ஆசிட் ஊற்றி விடுவேன் என மிரட்டிய நபர் மீது போலீசில் புகாரளிக்கப்பட்டுள்ளது. பிரவீன் என்ற நபர், குடியாத்தம் பகுதியைச் சேர்ந்த பிளஸ் 1 மாணவி ஒருவரை சில மாதங்களாக பின் தொடர்ந்து தொல்லை கொடுத்து வந்துள்ளார். இந்நிலையில், ஆப்பிள் போன் ஒன்றை அந்த மாணவிக்கு பரிசாக கொடுத்து, தன்னை காதலிக்குமாறு வற்புறுத்தியுள்ளார். அந்த மாணவி போனை வாங்க மறுத்ததால், ஆசிட் ஊற்றி விடுவேன் எனவும் மிரட்டியுள்ளார். இதைத் தொடர்ந்து, மாணவின் குடும்பத்தினர், ப்ரவீன் மீது போலீசில் புகாரளித்துள்ளனர். இது குறித்து போலீசார் விசாரணை மேற்கொண்டு வருகின்றனர்.