போட்டி நடத்தும் கத்தார் அணியே வெளியேற்றம்.. இங்கிலாந்து- அமெரிக்கா இடையே மோதல் - விறுவிறுப்பான உலகக்கோப்பை கால்பந்து தொடர்

உலகக்கோப்பை கால்பந்து போட்டி கத்தார் அணி 2-வது லீக் ஆட்டத்தில் செனக்கல் அணியை எதிர்கொண்டது. இப்போட்டியில் 1க்கு 3 என்ற கோல் கணக்கில் கத்தார் தோல்வியடைந்தது. அடுத்தடுத்து 2 போட்டிகளில் தோல்வியடைந்த கத்தார் உலகக்கோப்பை தொடரில் இருந்து வெளியேறியுள்ளது. லீக் ஆட்டத்தில் வரும் செவ்வாய்கிழமை நெதர்லாந்து அணியை கத்தார் எதிர்கொள்கிறது. ஏற்கனவே 2 ஆட்டங்களில் தோல்வியடைந்ததால் கத்தார் அணி உலகக்கோப்பை கால்பந்து தொடரில் அடுத்த சுற்றுக்கு செல்லும் வாய்ப்பை இழந்துவிட்டது. போட்டியை நடத்தும் கத்தார் அணி லீக் சுற்றிலேயே தொடரில் இருந்து வெளியேறிய நிகழ்வு ரசிகர்கள் மத்தியில் பெரும் சோகத்தை ஏற்படுத்தியுள்ளது.