ராகுல் காந்தியின் நடை பயணத்தில் இணைகிறார் சோனியா காந்தி

ராகுல் காந்தியின் நடை பயணத்தில், காங்கிரஸ் இடைக்காலத் தலைவர் சோனியா காந்தியும் இணைய உள்ளதாக தகவல் வெளியாகியுள்ளது. இன்று டெல்லியில் இருந்து கர்நாடகா மாநிலம் குடகு மாவட்டம் சென்று, 2 நாட்கள் தங்கியிருப்பார் என்றும், பின்னர், 6 ஆம் தேதி மாண்டியாவில் நடைபெறும் நடை பயணத்தில் பங்கேற்பார் என்றும் தெரிவிக்கப்பட்டுள்ளது. மேலும், அவருடன் பிரியங்கா காந்தியும், நடை பயணத்தில் இணைந்து ராகுல் காந்தி, சோனியா காந்தியுடன் பரப்புரை செய்வார் என்று தகவல் வெளியாகியுள்ளது.