சூர்யவம்சம் படத்தின் இரண்டாம் பாகத்தை உருவாக்க திட்டமிட்டுள்ளதாக சரத்குமார் தெரிவித்துள்ளார். விக்ரமன் இயக்கத்தில் 1997ஆம் ஆண்டு வெளியான சூர்யவம்சம் படம் மிகப்பெரிய வெற்றியை பதிவு செய்தது. இந்த படம் குறித்து நேர்காணல் ஒன்றில் பேசிய சரத்குமார், சூர்யவம்சம் படத்தின் இரண்டாம் பாகத்திற்கான கதையை உருவாக்கும் முயற்சியில் ஈடுபட்டுள்ளதாக தெரிவித்தார். சரத்குமாரின் மகனுக்கும், முதல் பாகத்தில் கொல்லப்பட்ட வில்லனின் உறவினருக்கும் இடையே ஏற்படும் மோதலை வைத்துக்கூட கதையை உருவாக்க முடியும் என தெரிவித்தார்.