கென்யாவில் விமானிகள் வேலைநிறுத்தம் - ஸ்தம்பித்த விமான நிலையம்... பயணிகள் அவதி

கென்யாவில் விமானிகள் வேலை நிறுத்ததில் ஈடுபட்டுள்ளதால், பயணிகள் பல மணி நேரம் விமான நிலையத்தில் காத்திருந்தனர். தலைநகர் நைரோபியில் உள்ள விமானநிலையத்தில் இருந்து வெளிநாடுகளுக்கு செல்ல வந்த பயணிகள் அங்கேயே காத்திருந்தனர். ஓய்வூதிய கோரிக்கையை வலியுறுத்தி காலை 6 மணி முதல் விமானிகள் வேலைநிறுத்தத்தில் ஈடுபட்டுள்ள நிலையில், தங்கள் கோரிக்கை தொடர்பாக 14 நாட்களுக்கு முன்னரே நோட்டீஸ் வழங்கியதாக கூறியுள்ளனர். தங்கள் கோரிக்கை மீது நடவடிக்கை எடுக்காததால், வேலைநிறுத்ததில் ஈடுபட்டுள்ளதாக விமானிகள் சங்கத்தினர் தெரிவித்துள்ளனர்.