மதுபான கடை ஊழியரை தாக்கி..மதுபான பாட்டில்களை எடுத்துச் செல்லும் கும்பல்! - அதிர்ச்சி சிசிடிவி காட்சி

புதுச்சேரியில், மதுபான கடை ஊழியரை தாக்கி, மதுபான பாட்டில்களை எடுத்துச் சென்ற பிரபல ரவுடி உட்பட 5 பேரை போலீசார் தேடி வருகின்றனர். பாகூர் தொகுதிக்கு உட்பட்ட சோரியாங்குப்பத்தில் உள்ள மதுபான கடை ஒன்றில், அந்தப் பகுதியை சேர்ந்த பிரபல ரவுடிகளான ஆறுமுகம், சுகன் மற்றும் அவரது கூட்டாளிகள் 4 பேர் இலவசமாக மதுபானம் கேட்டு பிரச்சினை செய்துள்ளனர். எனினும், 4 ஆயிரம் ரூபாய் மதிப்பிலான மதுபானங்களை கொடுத்தும், அது போதாது எனக்கூறி, ரவுடி மற்றும் அவரது கூட்டாளிகள் ஊழியர்களை தாக்கி, கூடுதலாக மதுபான பாட்டில்களை அட்டை பெட்டியில் எடுத்துக் கொண்டு சென்றனர். இந்த சம்பவம் தொடர்பாக சிசிடிவி காட்சி வெளியாகியுள்ளது.