இறுதிப்போட்டியில் பாகிஸ்தானை வென்று கோப்பையை தட்டி தூக்கிய இந்தியா

ஆசியக் கோப்பை ஜூனியர் ஹாக்கி தொடரில் இந்தியா சாம்பியன் பட்டம் வென்று அசத்தி உள்ளது. ஆசியக் கோப்பை ஜூனியர் ஆடவர் ஹாக்கி தொடர் ஓமனின் சலாலா நகரில் நடைபெற்றது. இதன் இறுதிப்போட்டியில் இந்தியாவும் பாகிஸ்தானும் மோதின. ஆட்டத்தின் முதல் பாதியில் இந்திய வீரர்கள் அங்கத் பிர் சிங்கும், அரஜித் சிங்கும் கோல் அடித்தனர். பதிலுக்கு பாகிஸ்தான் தரப்பில் ஒருகோல் மட்டுமே அடிக்கப்பட்ட நிலையில், ஆட்டநேர முடிவில் 2க்கு 1 என்ற கோல் கணக்கில் இந்தியா த்ரில் வெற்றி பெற்றது. சாம்பியன் பட்டம் வென்ற இந்திய இளம் ஆடவர் அணிக்கு இந்திய ஹாக்கி சம்மேளனம் பாராட்டு தெரிவித்து உள்ளது.