ஹாக்கி உலகக்கோப்பை தொடர் - வெற்றியுடன் தொடங்கியது இந்தியா

ஹாக்கி உலகக்கோப்பை தொடரை வெற்றியுடன் இந்தியா தொடங்கி உள்ளது.

15வது ஆடவர் ஹாக்கி உலகக்கோப்பை தொடர் ஒடிசாவில் தொடங்கி உள்ளது.

இதில், குரூப் டி பிரிவில் ரூர்கேலாவில் நடைபெற்ற போட்டியில் கேப்டன் ஹர்மன்ப்ரீத் சிங் தலைமையில் இந்திய அணி களமிறங்கியது.

ஆட்டத்தின் 12வது நிமிடத்தில் இந்திய வீரர் அமித் ரோஹிதாஸூம், 26வது நிமிடத்தில் ஹர்திக் சிங்கும் கோல் அடித்தனர்.

இதனால் 2க்கு பூஜ்யம் என்ற கோல் கணக்கில் முதல் பாதியில் இந்தியா முன்னிலை பெற்றது.

தொடர்ந்து நடந்த 2வது பாதியில் ஸ்பெயின் கோல் அடிக்கவில்லை.

இதனால், ஆட்ட நேர முடிவில் 2க்கு பூஜ்யம் என்ற கோல் கணக்கில் ஸ்பெயினை இந்தியா வீழ்த்தியது.

வருகிற 15ம் தேதி நடைபெறும் லீக் போட்டியில் இங்கிலாந்துடன் இந்தியா மோத உள்ளது.