சிக்ஸர்களை பறக்கவிட்ட ஹெட்மயர்..அஸ்வின் ஆடிய மாஸ்டர் கேமியோ - அசுர பல குஜராத்துக்கு ஆப்பு..!

ஐ.பி.எல் தொடரில் குஜராத் அணிக்கு எதிரான ஆட்டத்தில், ராஜஸ்தான் அணி 3 விக்கெட்டுகள் வித்தியாசத்தில் வெற்றி பெற்றது. அகமதாபாத்தில் உள்ள நரேந்திர மோடி மைதானத்தில் நடைபெற்ற இப்போட்டியில், முதலில் குஜராத் அணி பேட்டிங் செய்தது. நிர்ணயிக்கப்பட்ட 20 ஓவர்கள் முடிவில் அந்த அணி 7 விக்கெட் இழப்பிற்கு 177 ரன்கள் குவித்தது. அதிகபட்சமாக மில்லர் 46 ரன்களும், சுப்மன் கில் 45 ரன்களும் எடுத்திருந்தனர். இதையடுத்து களமிறங்கிய ராஜஸ்தான் அணி, 19 புள்ளி 2 ஓவரில் வெற்றி இலக்கை எட்டியது. அதிரடியாக விளையாடிய கேப்டன் சஞ்சு சாம்சன், 32 பந்துகளில் 60 ரன்கள் விளாசினார். கடைசி நேரத்தில் சிக்சர்களாக பறக்க விட்ட ஹெட்மயர் 26 பந்துகளில் 56 ரன்கள் எடுத்து, ராஜஸ்தான் அணியின் வெற்றிக்கு வித்திட்டார்.