"நம்ம ஊருகாரங்க பாசத்துக்கு அளவு இல்ல"...குதிரைக்கு வளைகாப்பு நடத்திய மக்கள்..ஈரோடு அருகே நெகிழ்ச்சி சம்பவம் | Erode

ஈரோடு மாவட்டம் பவானி அருகே உள்ள கிராமத்தில் கோயிலுக்கு நேர்ந்து விடப்பட்ட குதிரைக்கு கிராம மக்கள் வளைகாப்பு நடத்திய சம்பவம் நெகிழ்ச்சியை ஏற்படுத்தியுள்ளது... அம்மன் பாளையம் மாரியம்மன் கோயிலுக்கு நேர்த்திக் கடனாக செலுத்தப்பட்ட பெண் குதிரை தற்போது 9 மாதம் கர்ப்பமாக உள்ளது. இந்நிலையில், தங்கள் மகளுக்கோ மருமகளுக்கோ செய்வதைப் போல குதிரைக்கும் வளைகாப்பு நடத்த நினைத்த கிராம மக்கள் அதை நிகழ்த்தியும் காட்டியுள்ளனர். ஊர்வலமாக சீர்வரிசை கொண்டு வந்து புதுசேலை உடுத்தி, வளையல்கள் அணிவித்து, 7 வகை சாதம், பழங்கள் ஊட்டி வெகு விமரிசையாக வளைகாப்பை நடத்தினர். அத்துடன் உறவினர் வீட்டிற்கு சென்றால் மொய் வைப்பதைப் போலவே குதிரைக்கும் மொய் வைக்கப்பட்டு, சிறப்பு அலங்காரத்தில் காட்சி தந்த மாரியம்மனை தரிசித்து விட்டு சென்றனர் கிராம மக்கள்.