25 குட்டிகளுடன் குடியிருப்பு பகுதியில் திரிந்த நாகப்பாம்பு - 4 மணி நேர தேடுதலுக்கு பின் சிக்கியது

கேரள மாநிலம் பாலக்கரையில், குடியிருப்பு பகுதியில் பாம்பு நடமாட்டம் இருப்பதாக அப்பகுதி மக்கள் பாம்பு பிடி வீரருக்கு தகவல் தெரிவித்துள்ளனர். இதையடுத்து சம்பவ இடத்திற்கு சென்ற பாம்புபிடி வீரர் வாவா சுரேஷ், அப்பகுதியில் தேடுதல் வேட்டையில் ஈடுபட்டார். சுமார் 4 மணி நேர தேடுதலுக்கு பின் அப்பகுதியில் உள்ள வாழைத் தோட்டத்தில் நாகப்பாம்பை கண்டுபிடித்தார். அதனுடன் சுமார் 25 நாகப்பாம்பு குட்டிகளையும் அவர் மீட்டார். இதையடுத்து மீட்கபட்ட நாகப்பாம்பு மற்றும் குட்டிகள் பத்திரமாக வனப்பகுதியில் விடப்பட்டன.