காணாமல் போன விமானம்.. தண்ணீரில் கண்டெடுத்த உடைந்த பாகங்கள் - பயணிகள் உயிரிழந்திருக்க வாய்ப்பு..?

மத்திய அமெரிக்க நாடான கோஸ்டாரிகாவில் சிறிய ரக விமானம் விபத்துக்குள்ளானதில் 6 பேர் உயிரிழந்திருக்கலாம் என அஞ்சப்படுகிறது. கோஸ்டாரிகா கடற்கரைக்கு சற்று அப்பால் கரீபியன் தீவில், ஒரு சிறிய ரக விமானம் விபத்துக்குள்ளானதில் ஜெர்மன் தொழிலதிபர் உட்பட 6 பேர் உயிரிழந்திருக்கலாம் என்று தெரிவிக்கப்பட்டுள்ளது. வெள்ளிக்கிழமை விமானம் காணாமல் போனதை அடுத்து, இரட்டை எஞ்சின் கொண்ட "டர்போபிராப்" விமானத்தின் உடைந்த துண்டுகள் தண்ணீரில் கண்டெடுக்கப்பட்டதாக கோஸ்டாரிகா அதிகாரிகள் தெரிவித்தனர். இருப்பினும் யாருடைய உடலும் இதுவரை கண்டுபிடிக்கப்படவில்லை என்பது குறிப்பிடத்தக்கது.