நடிகர் விஜய் உறவினரின் கார் ஓட்டுநர் மீது தாக்குதல்

சினிமா தயாரிப்பாளரும் நடிகர் விஜய் உறவினருமான சேவியர் பிரிட்டோவின் கார் ஓட்டுநரை தாக்கி செல்போன் பறிக்க முயற்சி செய்த சம்பவம் நிகழ்ந்துள்ளது. சென்னை சாஸ்திரி நகரில் சேவியர் பிரிட்டோவின் ஓட்டுநர் கமல் என்பவரை தாக்கி, மர்மநபர்கள் 3 பேர் செல்போன் பறிக்க முயற்சித்துள்ளனர். கொள்ளையர்கள் தாக்கியதில், ஓட்டுநருக்கு 3 தையல் போடப்பட்டுள்ளது. மூன்று கொள்ளையர்கள் சேர்ந்து தாக்கியதில் ஓட்டுநர் கமலுக்கு, தலை நெற்றியில் மூன்று தையல் போடப்பட்டுள்ளன. இதுதொடர்பாக போலீசார் வழக்குப்பதிவு செய்து விசாரணை மேற்கொண்டு வருகின்றனர்.