அதி வேகத்தில் வந்து கண்ணிமைக்கும் நேரத்தில் சிறுவன் மீது மோதிய சரக்கு வாகனம் - தாத்தா கண் முன்னே துடிதுடித்து பலியான பேரன்

கள்ளக்குறிச்சி மாவட்டம் பல்லவாடியில், ஜெயராமன் என்ற முதியவர் தன்னுடைய 2 வயது பேரன் ரிஷிதரனுடன் பேருந்து நிலையம் அருகே நின்று கொண்டிருந்தார். அப்போது, திருக்கோவிலூரை நோக்கி அதிவேகமாக வந்த சரக்கு வாகனம் கட்டுப்பாட்டை இழந்து சிறுவன் மீது மோதியது . உடனடியாக படுகாயமடைந்த சிறுவனை மருத்துவமனைக்கு கொண்டு சென்ற நிலையில், செல்லும் வழியிலேயே சிறுவன் உயிரிழந்தது சோகத்தை ஏற்படுத்தியது. தாத்தாவின் கண்முன்னே பேரன் உயிரிழந்த சம்பவம் சோகத்தை ஏற்படுத்திய நிலையில், தப்பியோடிய லாரி ஓட்டுநர் சந்தன பாரதியை போலீசார் தேடி வருகின்றனர்.