இரு கார்களுக்கு இடையே சிக்கி சிறுவன் உயிரிழப்பு

ஈரோடு மாவட்டம் அந்தியூர் தனியார் மருத்துவமனையில், காரை பின்னோக்கி இயக்கியபோது, இரு கார்களுக்கிடையே சிக்கி சிறுவன் பரிதாபமாக உயிரிழந்தான். செல்லியன்குட்டையை சேர்ந்த முத்துசாமியின் மகன்கள் தருண், தனீஷ், பாட்டியுடன் காரில் மருத்துவமனைக்கு சென்றனர். முத்துச்சாமியின் மைத்துனர் கனகராஜ் காரை ஓட்டினார். மருத்துவமனையில் 3 பேரையும் இறக்கிவிட்ட கனகராஜ், காரை திருப்ப பின்னோக்கி வேகமாக இயக்கினார். அப்போது பின்புறம் இருந்த தனீஷ் மற்றும் தருண் மீது மோதிய கார், பின்னால் நின்று கொண்டிருந்த மற்றொரு கார் மீது மோதி நின்றது. 2 கார்களுக்கு இடையே சிக்கிய சிறுவன் தனீஷ் சம்பவ இடத்திலேயே உயிரிழந்தான்.