Today Headlines | காலை 6 மணி தலைப்புச் செய்திகள் (12.05.2026) | 6 AM Headlines | ThanthiTV

மேற்கு ஆசியாவில் நிலவும் போர்ச் சூழல் இந்த தசாப்தத்தின் மிகப்பெரிய நெருக்கடி என பிரதமர் மோடி குறிப்பிட்டுள்ளார்..குஜராத்தில் உரையாற்றிய அவர், மக்களின் ஒற்றுமையால் இந்த இக்கட்டான காலத்தை கடப்போம் என உறுதிபடத் தெரிவித்துள்ளார்.

மேற்கு ஆசிய போரைத் தொடர்ந்து சர்வதேச அளவில் ஏற்பட்டு நிலைத்தன்மையால் கச்சா எண்ணெய் விலை அதிகரிக்கலாம் என தகவல்கள் வெளியாகி உள்ளன...பிரதமர் மோடியும் அலர்ட் கொடுத்துள்ள சூழலில் பெட்ரோல், டீசல் விலை உயரலாம் என எதிர்பார்க்கப்படுகிறது...

அதிமுகவில் பிளவு ஏதும் இல்லை என அக்கட்சியின் பொதுச்செயலாளர் எடப்பாடி பழனிசாமி தெரிவித்துள்ளார்....தவறான தகவல் பரப்பப்படுவதாக ஈபிஎஸ் கூறியுள்ளார்....

தமிழக சட்டப்பேரவை சபாநாயகராக ஆயிரம் விளக்கு தவெக எம்.எல்.ஏ ஜேசிடி பிரபாகர் இன்று பதவியேற்கிறார்...துணை சபாநாயகராக துறையூர் தவெக எம்.எல்.ஏ ரவிசங்கர் பதவியேற்க உள்ளார்..

தமிழ்நாட்டில் வழிபாட்டுத் தலங்கள் மற்றும் கல்வி நிறுவனங்களுக்கு அருகில் இயங்கி வரும் டாஸ்மாக் கடைகளைக் கணக்கெடுக்கும் பணி தொடங்கியுள்ளது...500 மீட்டர் எல்லைக்குள் அமைந்துள்ள மதுக்கடைகள் குறித்து விரிவான அறிக்கை தயார் செய்ய மாவட்ட ஆட்சியர்களுக்கு அறிவுறுத்தப்பட்டுள்ளது...

இந்த மாதத்தின் இறுதியில் டெல்லி சென்று குடியரசு தலைவர் மற்றும் பிரதமரை சந்திக்க முதலமைச்சர் விஜய் திட்டமிட்டுள்ளார்...மத்திய அமைச்சர்கள் அமித்ஷா மற்றும் நிர்மலா சீதாராமனை சந்திக்கும் விஜய், தமிழக நலன் குறித்த கோரிக்கைகளையும் முன்வைக்க உள்ளதாக தகவல் வெளியாகி உள்ளது..

சென்னை ஆழ்வார்ப்பேட்டை இல்லத்தில் திமுக தலைவர் மு.க.ஸ்டாலினை, முதலமைச்சர் விஜய் நேரில் சந்தித்து வாழ்த்து பெற்றார்...முதலமைச்சர் விஜயை, மு.க.ஸ்டாலின் ஆரத்தழுவி வரவேற்ற நிலையில், இருவரும் பரஸ்பர சால்வை அணிவித்தனர்...

ஆழ்வார்பேட்டை இல்லம் வந்த முதலமைச்சர் விஜய்க்கு, எதிர்க்கட்சித் தலைவர் உதயநிதி ஸ்டாலின் காலத்தின் நிறம் கருப்பு சிவப்பு என்ற புத்தகத்தை வழங்கி வாழ்த்து தெரிவித்தார்...முன்னதாக முதல்வர் விஜய்யை வீட்டு வாசலில் கட்டியணைத்து உதயநிதி ஸ்டாலின் வரவேற்றார்...

சென்னை அண்ணாநகரில் உள்ள இல்லத்தில் மதிமுக பொதுச்செயலாளர் வைகோவை, முதலமைச்சர் விஜய் சந்தித்து வாழ்த்து பெற்றார்...மதிமுக முதன்மைச் செயலாளர் துரை வைகோ, முதலமைச்சர் விஜய்க்கு மாலை அணிவித்து மரியாதை செய்தார்...