Today Headlines | காலை 6 மணி தலைப்புச் செய்திகள் (23.02.2026) | 6 AM Headlines | ThanthiTV

தமிழக இறுதி வாக்காளர் பட்டியல் இன்று வெளியீடு. தமிழகத்தில் இறுதி வாக்காளர் பட்டியல் இன்று வெளியிடப்பட உள்ளது... மாநில தலைமை தேர்தல் அதிகாரி அர்ச்சனா பட்நாயக் இறுதி வாக்காளர் பட்டியலை வெளியிடுகிறார்...

மகளிர் உரிமை தொகையை தடுக்க எதிர்க்கட்சிகள் முயற்சி - உதயநிதி. பெண்களுக்கு 5 ஆயிரம் ரூபாய் வரவு வைக்கப்பட்ட‌து எதிர்க்கட்சிகளுக்கு அதிர்ச்சியை ஏற்படுத்தி இருக்கிறது..மோடி, ED-ஐ பார்த்து பயப்பட மாட்டோம் எனவும், துணை முதல்வர் உதயநிதி ஸ்டாலின் தெரிவித்துள்ளார்...

வேலூரில் விஜய் பங்கேற்கும் நிகழ்ச்சி - தவெக அறிவுறுத்தல்

வேலூரில் தவெக தலைவர் விஜய் பங்கேற்கும் நிகழ்ச்சியில், QR குறியீடு கொண்ட நுழைவு சீட்டு உள்ள 4 ஆயிரத்து 900 பேருக்கு மட்டுமே அனுமதி...விஜய் வாகனத்தை பின்தொடர்வதை தவிர்க்குமாறு, தொண்டர்களுக்கு தவெக அறிவுறுத்தியுள்ளது...

நமோ பாரத் ரேபிட் மெட்ரோ ரயில் சேவை - பிரதமர் தொடங்கி வைத்தார் .உத்தரப்பிரதேசம் - டெல்லியை இணைக்கும் நமோ பாரத் ரேபிட் மெட்ரோ ரயில் சேவையை, மீரட்டில் பிரதமர் மோடி கொடியசைத்து தொடங்கி வைத்தார்...82 கி.மீ. நீளமுள்ள டெல்லி - மீரட் வழித்தடத்தில் இந்த ரயில் மணிக்கு 180 கி.மீ. வேகத்தில் செல்லும் என தெரிவிக்கப்பட்டுள்ளது...

ஆப்கானிஸ்தான் மீது பாக்., தாக்குதல் - இந்தியா கண்டனம்

ஆப்கானிஸ்தான் மீது பாகிஸ்தான் நடத்திய வான்வழித் தாக்குதலுக்கு இந்தியா கடும் கண்டனம் தெரிவித்துள்ளது...ஆப்கானிஸ்தானின் இறையாண்மைக்கு இந்தியா என்றும் துணை நிற்கும் என்று உறுதியளித்துள்ளது...

டி20 WC சூப்பர் 8 சுற்று - தென்னாப்பிரிக்கா வெற்றி

இந்தியாவுடனான டி20 உலகக்கோப்பை சூப்பர்-8 சுற்றில் தென்னாப்பிரிக்கா அணி அபார வெற்றி பெற்றது...188 ரன்கள் இலக்குடன் களமிறங்கிய இந்திய அணி, அடுத்தடுத்து விக்கெட்டுகளை இழந்து தோல்வியை தழுவியது...

பவர்பிளே விக்கெட்டுகளே தோல்விக்குக் காரணம்" தென்னாப்பிரிக்காவுடனான தோல்விக்கு பவர்பிளே விக்கெட்டுகளே காரணம் என இந்திய கேப்டன் சூர்யகுமார் யாதவ் தெரிவித்துள்ளார்...தோல்வியிலிருந்து பாடம் கற்று பலமாகத் திரும்புவோம் என்றும் அவர் சூளுரைத்துள்ளார்...