#BREAKING || குஜராத், ஹிமாச்சலில் தொடங்கியது வாக்கு எண்ணிக்கை

குஜராத், ஹிமாச்சலில் தொடங்கியது வாக்கு எண்ணிக்கை

பாஜக ஆட்சி செய்யும் ஹிமாச்சல பிரதேசத்தில் நவம்பர் 12 ஆம் தேதி நடைபெற்ற சட்டப்பேரவை தேர்தலில் 76.44 சதவீத வாக்குகள் பதிவாகின. மாநிலத்தில் மொத்தம் உள்ள 68 தொகுதிகளில் பதிவான வாக்குகள் இன்று காலை 8 மணிக்கு எண்ணப்படுகிறது. மாநிலத்தில் 59 இடங்களில் வாக்குகள் எண்ணப்படுகின்றன. இரு கட்டங்களாக நடைபெற்ற குஜராத்தில் 66.31 சதவீத வாக்குகள் பதிவாகின. குஜராத்திலும் இன்று காலை 8 மணிக்கு வாக்கு எண்ணிக்கை தொடங்குகிறது. 182 தொகுதிகளில் பதிவான வாக்குகள் 37 மையங்களில் எண்ணப்படுகிறது. இரு மாநிலங்களிலும் வாக்கு எண்ணிக்கையையொட்டி, பலத்த பாதுகாப்பு ஏற்பாடுகள் செய்யப்பட்டுள்ளன. வாக்கு எண்ணிக்கை மையங்கள் முழுவதும் பாதுகாப்பு கண்காணிப்பு வளையத்திற்குள் கொண்டு வரப்பட்டுள்ளன.