உத்தரப் பிரதேச மாநிலத்தில் ஆபத்தான முறையில் ரீல்ஸ் எடுத்த இளைஞர்களுக்கு போலீசார் நூதன தண்டனை விதித்துள்ளனர். ஹமீர்பூர் மாவட்டம் மௌதாஹா பகுதியில் உள்ள கம்ஹரியா அணைக்கட்டில், லைக்ஸ் மற்றும் வியூஸுக்காக இளைஞர்கள் ஆபத்தான முறையில் ரீல்ஸ் எடுத்துள்ளனர். இதுகுறித்து தகவலறிந்து சென்ற போலீசார், இளைஞர்களை தண்ணீரில் இருந்து மீட்டதுடன், சம்பவ இடத்திலேயே எச்சரிக்கும் வகையில் நூதன தண்டனை வழங்கினர். சாலையோரத்தில் தவளை போல குதித்துச் செல்ல வைத்த போலீசார், அவர்களை தோப்புக்கரணம் போடவும், தண்டால் எடுக்கவும் செய்தனர்.