Sivaganga | TN Police | பஸ் மோதி.. பறந்து வந்த ஆட்டோ.. சிதறி ஓடிய மக்கள் #Sivaganga #TNPolice #Auto #Rescue சிவகங்கை மாவட்டம் திருப்புவனம் பகுதியில் தனியார் பேருந்து மோதியதில் ஆட்டோ கட்டுப்பாட்டை இழந்து கவிழ்ந்து விபத்துக்குள்ளான பதைபதைக்கும் சிசிடிவி காட்சிகள் வெளியாகியுள்ளன. அதனை தற்போது பார்க்கலாம்... திருப்புவனத்தைச் சேர்ந்த விஜி என்பவர் ஆட்டோவை இயக்கிச் சென்றபோது, அதிவேகமாக வந்த தனியார் பேருந்து மோதியதில் ஆட்டோ சாலையில் தாறுமாறாக உருண்டு கவிழ்ந்தது. சத்தம் கேட்டு ஓடிவந்த அப்பகுதி பொதுமக்கள், தலைகீழாகக் கவிழ்ந்த ஆட்டோவை உடனடியாகத் தூக்கி நிறுத்தி, இடிபாடுகளுக்குள் காயமடைந்த ஓட்டுநர் விஜியை மீட்டனர். படுகாயமடைந்த அவர் சிகிச்சைக்காக மதுரை அரசு ராஜாஜி மருத்துவமனையில் தீவிர சிகிச்சைப் பிரிவில் அனுமதிக்கப்பட்டுள்ளார். பொதுமக்கள் விரைந்து செயல்பட்டு ஆட்டோவை மீட்கும் இந்தக் காட்சிகள் இணையத்தில் பரவி வரும் நிலையில், திருப்புவனம் போலீசார் வழக்குப்பதிவு செய்து விசாரணை நடத்தி வருகின்றனர். .