#karurattack #karuryoungester #viralvideo கரூரில் பட்டப்பகலில் இளைஞரை நடுரோட்டில் தாக்கி கடத்த முயற்சி கரூர் - திருச்சி நெடுஞ்சாலையில், தோழியுடன் பைக்கில் சென்ற இளைஞரை, மர்ம கும்பல் ஒன்று நடுரோட்டில் தாக்கி காரில் கடத்த முயன்றதாகக் கூறப்படும் சம்பவம் பரபரப்பை ஏற்படுத்தியுள்ளது. காந்திகிராமம் மைதானம் அருகே புறக்காவல் நிலையம் எதிரில் சென்றபோது, காரில் வந்தவர்கள் இளைஞரை வழிமறித்து, சட்டையைப் பிடித்து தாக்கி காரில் ஏற்ற முயன்றுள்ளனர். இதுகுறித்து பொதுமக்கள் அளித்த புகாரின் பேரில் வந்த போலீசார், இருதரப்பினரையும் காவல் நிலையம் அழைத்துச் சென்று விசாரணை நடத்தி வருகின்றனர். விசாரணையில், கிருஷ்ணராயபுரத்தைச் சேர்ந்த விக்னேஷ்வரன் என்பதும், சில நாட்களுக்கு முன்பு காரை கல்லால் தாக்கி சேதப்படுத்தியதாக அவர் மீது புகார் அளிக்கப்பட்டிருப்பதும் தெரியவந்துள்ளது. இருதரப்பினரின் வாக்குமூலங்களில் முரண்பாடுகள் இருப்பதாகக் கூறப்படும் நிலையில், பட்டப்பகலில் நடந்த தாக்குதல் தொடர்பான சிசிடிவி காட்சிகள் வெளியாகி பரபரப்பை ஏற்படுத்தியுள்ளன.