பிரபல இயக்குனரும் நடிகருமான டி.பி.கஜேந்திரன் உடல்நலக் குறைவால் காலமானார்.
அவரது இறுதிச் சடங்குகள் இன்று நடைபெறுகிறது உடல் நலக்குறைவு காரணமாக ஆழ்வார்பேட்டையில் உள்ள தனியார் மருத்துவமனையில் சிகிச்சை பெற்று வீடு திரும்பிய கஜேந்திரன், நேற்று காலை உயிரிழந்தார். இவருக்கு 4 மகள்கள் உள்ளனர்.
பழம்பெரும் நடிகை டி.பி. முத்துலட்சுமியின் வளர்ப்பு மகனான இவர், விசுவின் உதவியாளராக பணியாற்றி, விசுவைப் போலவே குடும்பக் கதைகளை மையமாகக் கொண்ட படங்களை இயக்கினார்.
பாட்டு வாத்தியார், மிடில் கிளாஸ் மாதவன், சீனா தானா, பாசமுள்ள பாண்டியரே உள்ளிட்ட பல படங்களை இயக்கிய கஜேந்திரனின் உடல் ஏவிஎம் மின் மயானத்தில் இன்று தகனம் செய்யப்படுகிறது.