அமெரிக்கா நடவடிக்கையால் ஈரானிடம் ஆயுதங்கள் இருக்காது என டிரம்ப் அறிவிப்பு அமெரிக்காவின் தற்போதைய ராணுவ நடவடிக்கைகள் நிறைவடைந்த பிறகு, அமெரிக்காவிற்கு எதிராகவோ அல்லது இஸ்ரேலுக்கு எதிராகவோ பயன்படுத்துவதற்கு ஈரானிடம் எந்த விதமான ஆயுதங்களும் இருக்காது என்று அமெரிக்க அதிபர் டிரம்ப் திட்டவட்டமாக தெரிவித்துள்ளார் மத்திய கிழக்கு பிராந்தியத்தில் நிலவி வரும் போர்ச் சூழல் குறித்து வெள்ளை மாளிகையில் செய்தியாளர்களிடம் பேசிய அவர், ஈரானின் அச்சுறுத்தல்களை முறியடிப்பதில் அமெரிக்கா உறுதியாக இருப்பதை வெளிப்படுத்தினார். அமெரிக்கப் படைகள் மேற்கொண்டு வரும் துல்லியமான தாக்குதல்கள் மூலம் ஈரானின் ஏவுகணைத் தளங்கள் மற்றும் ராணுவக் கட்டமைப்பு பலவீனப்படுத்தப்பட்டு வருவதாகவும் அவர் குறிப்பிட்டார். ஈரானின் அணுசக்தித் திட்டங்கள் மற்றும் ஏவுகணைத் தயாரிப்பு நிலையங்களை இலக்கு வைத்து நடத்தப்படும் இந்தத் தாக்குதல்கள், இஸ்ரேலின் பாதுகாப்பை உறுதி செய்வதற்கான ஒரு முக்கிய நடவடிக்கை என்றும் அவர் விவரித்தார்.