பகுதியளவு முடங்கிய அமெரிக்க அரசு நிர்வாகம் அமெரிக்காவில் நடப்பாண்டு பட்ஜெட்டுக்கு நாடாளுமன்றத்தில் ஒப்புதல் கிடைக்காததால், பல்வேறு அரசு துறைகள் பகுதியளவு முடங்கியுள்ளன. முன்னதாக செனட் சபையில் பட்ஜெட்டுக்கு உறுப்பினர்கள் ஒப்புதல் அளித்தனர். இதைத்தொடர்ந்து மற்றொரு சபையில் பட்ஜெட் மீதான விவாதத்தின்போது, அண்மையில் குடியேற்ற அதிகாரிகளால் இருவர் சுட்டுக் கொல்லப்பட்டதை சுட்டிக்காட்டி எதிர்க்கட்சி உறுப்பினர்கள் அமளியில் ஈடுபட்டனர். இதனால், நாடாளுமன்றத்தில் பட்ஜெட் நிறைவேறுவதில் இழுபறி நீடிக்கிறது. இதன் காரணமாக அமெரிக்காவின் பாதுகாப்பு, கல்வி, சுகாதாரம், போக்குவரத்து உள்ளிட்ட முக்கியத்துவம் வாய்ந்த துறைகள் பகுதியளவு முடங்கியுள்ளன.