அமெரிக்காவின் கலிஃபோர்னியா மாகாணத்தில் உள்ள சான் டியாகோ நகரில், சிறிய ரக விமானம் ஒன்று விபத்துக்குள்ளானதில் 2 பேர் பரிதாபமாக உயிரிழந்தனர். 2 என்ஜின்களை உடைய சிறிய ரக சி-340 விமானம் அரிசோனா நோக்கி புறப்பட்ட நிலையில், சான் டியாகோ பகுதியில் உள்ள பள்ளி ஒன்றின் அருகே அவசர காரணங்களுக்காக தரையிறக்க முயன்ற போது விபத்துக்குள்ளானது. இதில் இருவர் பலியாகினர். மேலும் 2 பேர் காயமடைந்தனர். பல வாகனங்களும் 2 வீடுகளும் சேதமடைந்தன. தீயணைப்பு வீரர்கள் சம்பவ இடத்திற்கு விரைந்து வந்து தீயை அணைக்கப் போராடினர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.