* பாகிஸ்தானின் பிரதமராக அண்மையில் பதவியேற்ற, இம்ரான் கான், தனது முதல் உரையில், பாகிஸ்தானில் நிலவும் பொருளாதார நெருக்கடியை சமாளிக்க வேண்டும் என்றால், கோடீஸ்வரர்கள் அனைவரும் முறையாக வருமான வரி செலுத்த வேண்டும் என வலியுறுத்தினார்.
* பாகிஸ்தான், பிற நாடுகள் அளிக்கும் கடன் உதவியை நம்பியே வாழ்ந்து வருவதாகவும், அந்தப் பழக்கத்தை ஒழித்து, வறுமையைப் போக்கும் வகையில், இஸ்லாமிய நலச் சட்டப் படி, பாகிஸ்தானில் ஆட்சி நடத்தப் போவதாக இம்ரான் கான் தெரிவித்துள்ளார்.
* 524 பணியாட்கள் கொண்ட மிகவும் ஆடம்பரமான பாகிஸ்தான் பிரதமர் மாளிகையில் தான் வசிக்கப் போவதில்லை எனவும், அதனை அருங்காட்சியகமாக மாற்றப் போவதாகவும், அதற்கு பதிலாக ஒரு சிறிய வீட்டில் இரண்டு பணியாட்களுடன் வசிக்கப் போவதாகவும் இம்ரான் கான் அறிவித்துள்ளார்.
* பாகிஸ்தானின் பிரச்சினைகளை தீர்க்க வேண்டும் என்றால், மக்களும் இது போன்ற எளிமையான வாழ்க்கையை நடத்த வேண்டும் என்றும், இருப்பவர்கள், இல்லாதவர்களுக்கு உதவி செய்ய வேண்டும் என்றும் இம்ரான் கான் வலியுறுத்தினார்.
* பாகிஸ்தான் பிரதமருக்காக பயன்படுத்தப்பட்டு வரும், விலையுயர்ந்த குண்டு துளைக்காத கார்களை விற்கப்போவதாகவும், இம்ரான் கான் அதிரடியாக அறிவித்துள்ளார்.