ஒலிம்பிக் போட்டியை முன்னிட்டு ஜப்பானின் ஹுயோகோ நகரில் ஒலிம்பிக் ஜோதி தொடர் ஓட்டம் நடந்தது. வருகிற ஜூலை மாதம் 23-ம் தேதி, ஜப்பானின் டோக்கியோ நகரில், ஒலிம்பிக் போட்டிகள் தொடங்க உள்ளன. இதையொட்டி, ஜப்பானின் முன்னணி நகரங்களில் ஒலிம்பிக் ஜோதி தொடர் ஓட்டம் நடந்து வருகிறது. ஹுயோகோவில் நடந்த தொடர் ஓட்டத்தில், ஒலிம்பிக் ஜோதியை வீரர், வீராங்கனைகள் உற்சாகத்துடன் சுமந்து சென்றனர். கொரோனா அச்சத்தால், ஒலிம்பிக் ஜோதி தொடர் ஓட்ட நிகழ்ச்சியின் சுற்றுகள், குறைக்கப்பட்டு இருப்பது குறிப்பிடத்தக்கது.