அமெரிக்காவில் ஜான்சன் அண்ட் ஜான்சன் நிறுவனம் தயாரித்துள்ள சிங்கிள் டோஸ் கொரோனா தடுப்பூசியை மீண்டும் மக்களுக்கு செலுத்த அனுமதி வழங்கப்பட்டுள்ளது. தடுப்பூசியை போட்டுக் கொண்டவர்களின் இரத்தத்தில் உறைவு ஏற்படுவதாக கூறி கடந்த 14-ம் தேதி ஜான்சன் அண்ட் ஜான்சன் தடுப்பூசியை செலுத்தும் பணி அமெரிக்காவில் நிறுத்தப்பட்டது. தற்போது இந்த தடுப்பூசியை செலுத்திக் கொள்வதால் நேரிடுகிற பக்க விளைவுகளைவிட கிடைக்கிற பயன்கள் அதிகமாக உள்ளது எனக் கூறி அந்நாட்டு சுகாதார கட்டுப்பாட்டு அமைப்பு அனுமதி வழங்கியுள்ளது.