சர்வதேச சந்தையில், கச்சா எண்ணெய் விலை தொடர்ந்து உயர்ந்து வருவதால் இந்திய ரூபாயின் மதிப்பு கடுமையான பாதிப்பை சந்தித்து வருகிறது. இன்றைய வர்த்தக நேர தொடக்கத்தின்போது, 73 ரூபாய் 24 காசுகள் என்ற அளவில் இருந்த ரூபாயின் மதிப்பு காலை 10 மணி அளவில் மேலும் சரிந்து 73 ரூபாய் 33 காசுகள் என்ற அளவுக்கு சரிந்தது. டாலருக்கு நிகரான இந்திய ரூபாயின் மதிப்பு 73 ரூபாய் என்ற அளவை எட்டி இருப்பது, வரலாற்றில் இதுவே முதன் முறையாகும். இதன் எதிரொலியாக, இந்திய பங்குச் சந்தைகளும் சென்செக்ஸ் 200 புள்ளிகளுக்கு மேல் வீழ்ச்சி அடைந்துள்ளது.