ஜெர்மனியின் தொழில் நகரமான சோலிங்கன் நிறுவப்பட்டு 650 ஆண்டுகள் நிறைவடைந்ததையொட்டி ஏற்பாடு செய்யப்பட்டிருந்த விழாவில் திரளான மக்கள் கலந்துக் கொண்டனர். விழாவுக்கு வந்தவர்களை ஒருவர் தொடர்ச்சியாக கத்தியால் குத்தியிருக்கிறார். இந்த சம்பவத்தில் 3 பேர் உயிரிழந்துள்ளனர். 4 பேர் படுகாயம் அடைந்து மருத்துவமனையில் அனுமதிக்கப்பட்டுள்ளனர். கத்தி குத்து தாக்குதலை நடத்தியவர் சிக்காத சூழலில், நகரை தங்கள் கட்டுப்பாட்டுக்குள் கொண்டுவந்த ஜெர்மன் போலீசார், வாகன சோதனையோடு ஹெலிகாப்டர் வாயிலாகவும் சோதனையிட்டு வருகிறார்கள். இந்த சம்பவம் ஜெர்மனியில் பெரும் அதிர்ச்சியை ஏற்படுத்தியிருக்கிறது.