அமெரிக்காவின் மேரிலேண்ட் பகுதியில் உள்ள பல்டிமோரில், நடைபெற்ற துப்பாக்கிச்சூட்டில் 4 பேர் உயிரிழந்துள்ளதாகத் தகவல்கள் கிடைத்துள்ளன. துப்பாக்கிச் சூடு நடத்திய நபரைக் காவல்துறையினர் சுட்டுக் கொன்றனர். துப்பாக்கிச் சூட்டிற்கான காரணம் கண்டறியப்படாத நிலையில், குற்றவாளி சரமாரியாக துப்பாக்கிச் சூடு நடத்தியது மட்டுமல்லாது, வீட்டிற்கு தீ வைத்து எரிக்க முயன்றுள்ளார். இதனால் மள மளவென பற்றி எரிந்த தீ அருகிலிருந்த 2 வீடுகளையும் சேதப்படுத்தியது. இந்த விபத்தில் படுகாயமடைந்த ஒருவர் மருத்துவமனையில் அனுமதிக்கப்பட்டிருப்பதாகக் காவல்துறையினர் தகவல் தெரிவித்தனர்.