அமெரிக்க அதிபர் தேர்தலில் ஜனநாயக கட்சி சார்பில் போட்டியிடும் ஜோ பைடனும், குடியரசு கட்சி சார்பில் போட்டியிடும் டிரம்பும் சமீபத்தில் நேரடியாக விவாதம் செய்தனர். அப்போது பைடன் செயல்களில் காணப்பட்ட தடுமாற்றம் அவரது சொந்த கட்சியினரை சோகத்தில் ஆழ்த்தியது. சிலர் அவரை அதிபர் தேர்தலில் இருந்து விலகவும் கேட்டு வருகிறார்கள். ஆனால் போட்டியிலிருந்து விலக போவது இல்லை என கூறிவிட்ட பைடன், விவாதத்தின் போது தடுமாறியதற்கான காரணத்தை கூறியிருக்கிறார். விவாதத்தில் ஸ்மார்ட்டாக செயல்படவில்லை என ஒப்புக்கொண்டிருக்கும் பைடன், அதற்கு விவாதத்திற்கு முந்தைய நாட்களில் உலக நாடுகளுக்கு பயணம் செய்ததால் சரியாக தூங்கவில்லை என காரணம் கூறியிருக்கிறார். சரியாக தூங்காததால், விவாத மேடையில் கிட்டத்தட்ட தூங்கிவிட்டேன் என பைடன் புது விளக்கம் கொடுத்துள்ளார்.