தலைக்குப்புற விழுந்து கிடப்பது போல போட்டொ எடுத்து பதிவேற்றும் "ஃபாலிங் டவுண் சேலஞ்ச்" என்ற புதிய விளையாட்டு ஒன்று தற்போது இணையதளங்களில் வேகமாக பரவி வருகிறது. ஐஸ் பக்கெட், நீலத்திமிங்கலம், மோமோ, கிகி, பிட்னஸ் சேலஞ்ச் என பல்வேறு சவால்கள் இணையத்தை ஆட்டிப் படைத்த நிலையில், தற்போது இந்த ஃபாலிங் டவுண் சேலஞ்ச் பிரபலமாகி வருகிறது. கடந்த ஆகஸ்டில் ரஷ்யாவில் இந்த விளையாட்டு அறிமுகமானது. பணக்காரர்கள் தங்களது செல்வ செழிப்பைக் காட்டும் வகையில் தங்களது விமானம் மற்றும் படகின் படிக்கட்டு, டென்னிஸ் மைதானம் ஆகியவற்றில் தலைக்குப்புற விழுந்து கிடப்பது போல புகைப்படம் எடுத்து சமூக வலைதளங்களில் பதிவேற்றினர். இந்நிலையில் அதுவே தற்போது சவாலாக பரவி வருகிறது.