சீனாவின் தேசிய தினத்தை முன்னிட்டு 8 நாள் விடுமுறை அளிக்கப்பட்டுள்ளது. இதையடுத்து, மக்கள் தங்களது சொந்த ஊர்களுக்கும், சுற்றுலா தலங்களுக்கும் சென்று தேசிய தினத்தை மகிழ்ச்சியுடன் கொண்டாடி வருகின்றனர். இந்நிலையில் அந்நாட்டு ரயில்வே துறை சார்பில் 33 மாகாணங்களில் உள்ள 550 நகரங்களை இணைக்கும் வகையில் அதிவேக ரயில் பயண திட்டத்தை அறிமுகம் செய்துள்ளது. சுமார் 350 கிலோ மீட்டர் வேகத்தில் செல்லும் புல்லட் ரயிலில் பயணிக்க பொதுமக்கள் அதிக ஆர்வம் செலுத்தி வருகின்றனர்.