பிரேசில் அதிபர் தேர்தலில் வலதுசாரி வேட்பாளர் சயீர் பொல்சனாரூ மாபெரும் வெற்றி பெற்றுள்ளார். முன்னாள் ராணுவ அதிகாரியான இவர், 94 சதவீதமாக பதிவாகியிருந்த ஓட்டு எண்ணிக்கையில் 56 சதவீதம் வென்று ஆட்சியை கைப்பற்றியுள்ளார். பிரேசிலில் குற்றங்களை குறைப்பதற்கு அனைவரும் துப்பாக்கி வாங்க வேண்டும் என்றும், குற்றவாளிகளை சுட்டு வீழ்த்த போலீசாருக்கு முழு அதிகாரம் வழங்குவேன் என்று பொல்சனாரூ குறிப்பிட்டிருந்தார். பிரச்சாரத்தின் போது இனவெறி உள்ளிட்ட பல்வேறு சர்ச்சையான கருத்துக்களை பேசிய இவருக்கு மக்களிடையே கடும் எதிர்ப்பு கிளம்பியிருந்த நிலையில், தற்போது அதிபராக பதவியேற்கவுள்ளார்.