அமெரிக்காவின் வட கரோலினா மாநிலத்தில் உள்ள கப்பல்துறை உணவகத்தில், மர்ம நபர்களால் நடத்தப்பட்ட துப்பாக்கி சூட்டில் மூவர் பரிதாபமாக உயிரிழந்தனர். அமெரிக்கன் ஃபிஷ் கம்பெனி உணவகத்தின் மீது, படகில் இருந்து துப்பாக்கி சூடு நடத்தப்பட்டதில் 8 பேர் காயமடைந்த நிலையில் சிகிச்சை பெற்று வருகின்றனர். இந்த துப்பாக்கி சூட்டில் சம்பந்தப்பட்ட நபர் ஒருவர் தப்பி ஓடிய நிலையில் போலீசார் அவரை கைது செய்துள்ளதாக தெரிவித்துள்ளனர். மேலும் இது குறித்து தீவிர விசாரணையும் நடத்தி வருகின்றனர்.