வரும் செவ்வாய்கிழமை அமெரிக்க அதிபர் தேர்தல் நடைபெற உள்ள நிலையில், அங்கு பிரச்சாரம் களைகட்டியுள்ளது. ஐயோவா மாகாணத்தில் உள்ள டெஸ் மொயின்​ஸ் என்ற இடத்தில் ஆதரவு திரட்டிய ஜோ பைடன், அதிபர் டிரம்பின் புத்தி​க்கூர்மை பற்றி சந்தேகம் எழுப்பியுள்ளார். அமெரிக்காவில் 2 லட்சத்து 29 ஆயிரம் பேர் கொரோனா தொற்றால் உயிரிழந்த நிலையில், அதனை டிரம்ப் கையாண்டவிதம் குறித்து கடுமையான குற்றச்சாட்டுகளை ஜோ பைடன் வைத்துள்ளார். ஐயோவா மாகாணத்தில் உள்ள 6 வாக்குகளை கடந்த முறை டிரம்ப் தட்டிச்சென்ற நிலையில், இந்தாண்டு கடும் போட்டி நிலவுவதாக கூறப்படுகிறது. கடந்த 2008 மற்றும் 2012 அதிபர் தேர்தலில் ஓபாமாவுக்கு ஆதரவாக ஐயோவா இருந்தது. இதுவரை 8 கோடியே 38 லட்சம் பேர் வாக்களித்துள்ளது குறிப்பிடத்தக்கது.