சீனாவில் 24 லட்ச ரூபாய் மதிப்புள்ள 30 ஐபோன்களைக் குப்பைத் தொட்டியிலிருந்து கண்டுபிடித்த உடன்பிறந்தவர்கள் அதை காவல் துறையிடம் ஒப்படைத்த சம்பவம் பாராட்டுகளைப் பெற்று வருகின்றது... ஹெனான் மாகாணத்தில் ஒரு அக்கா மற்றும் தம்பி, தங்கள் வீட்டிற்கு அருகில் உள்ள குப்பைத் தொட்டியில் புத்தம் புதிதாக 30 ஐபோன் 14 ப்ரோ மாடல் இரு5 கண்டு அதிர்ச்சி அடைந்து, அதை தாங்கள் வைத்துக் கொள்ள வேண்டும் என்று எண்ணாமல், நேர்மையாக போலீசுக்குத் தகவல் தெரிவித்தனர். விசாரணையில் கொரியர் டெலிவரி செய்ய வந்தவர் அவற்றைத் தவறுதலாக விட்டுச் சென்றது தெரிய வந்தது. இதையடுத்து அந்த உடன்பிறந்தவர்களுக்குப் பாராட்டுகள் குவிந்து வருகின்றன.