லண்டனில் நடைபெற்ற ஆடவர் ஒற்றையர் பிரிவு இறுதிப் போட்டியில், ஸ்பெயினைச் சேர்ந்த 2ம் நிலை வீரர் அல்கராஸூடன் சின்னர் மோதினார். பெரும் எதிர்பார்ப்புக்கு மத்தியில் தொடங்கிய போட்டியின் முதல் செட்டை அல்கராஸ் 6க்கு 4 என்ற புள்ளிகள் கணக்கில் வென்ற நிலையில், அடுத்தடுத்த செட்களில் சின்னர் அபாரமாக விளையாடினார். 6க்கு 4, 6க்கு 4, 6க்கு 4 என்ற கணக்கில் தொடர்ச்சியாக 3 செட்களை வென்ற சின்னர், அல்கராஸை வீழ்த்தி முதல் முறையாக விம்பிள்டன் பட்டத்தை முத்தமிட்டார். பிரெஞ்சு ஓபன் இறுதிப்போட்டியில் அல்கராஸிடம் அடைந்த தோல்விக்கு விம்பிள்டன் கிராண்ட்ஸ்லாமை கைப்பற்றி சின்னர் தக்க பதிலடி கொடுத்துள்ளார்