கோவை மாவட்டம், பொள்ளாச்சி அருகேயுள்ள மெட்டுவாவி கிராமத்தைச் சேர்ந்தவர் கூலித் தொழிலாளி செல்வராஜ். இவரது மனைவி வனிதாமணி. அவர்களுக்கு ஏற்கெனவே 5 குழந்தைகள் உள்ள நிலையில், வனிதாமணி மீண்டும் கர்ப்பம் அடைந்துள்ளார். அதனால் கருவை கலைப்பதற்காக ஆயுர்வேத மருத்துவரான முத்துலட்சுமி என்பவரை நாடியுள்ளார். அதை தொடர்ந்து வனிதாமணிக்கு கருக்கலைப்பு ஊசியை முத்துலட்சுமி போட்டுள்ளனர். அதில் உடல்நலக் குறைவு ஏற்பட்டு மருத்துவமனைக்கு கொண்டு செல்லும் வழியிலேயே வனிதாமணி உயிரிழந்தார். இது குறித்து அளிக்கப்பட்ட புகாரின் பேரில், தலைமறைவான முத்துலட்சுமியை போலீசார் தேடி வருகின்றனர்.