மூன்று வேளாண் சட்டங்களையும் திரும்பப்பெற வேண்டுமென தமிழக முதல்வர் ஸ்டாலின் மத்திய அரசை வலியுறுத்தியுள்ளார்.மூன்று வேளாண் சட்டங்களையும் எதிர்த்து விவசாயிகள் டெல்லியில் நடத்தி வரும் போராட்டம் 6 மாதங்களை நிறைவு செய்திருக்கிறது என தனது அறிக்கையில் ஸ்டாலின் தெரிவித்துள்ளார்.விவசாயிகளின் நியாயமான கோரிக்கைகளையும், உணர்வுகளையும் மதித்து மூன்று வேளாண் சட்டங்களையும் திரும்பப்பெற மத்திய அரசு முன்வரவில்லை என கூறியுள்ள முதல்வர் ஸ்டாலின்,ஆக்கப்பூர்வமான பேச்சுவார்த்தை நடத்தி தீர்வு காண்பதற்கும் முயற்சிக்கவில்லை என கூறியுள்ளார்.மேலும், வேளாண் சட்டங்களை திரும்பபெற வலியுறுத்தி தமிழக சட்டமன்றத்தில் தீர்மானம் நிறைவேற்றப்படுமென, திமுக தேர்தல் அறிக்கையில் அறிவிக்கப்பட்டதை நினைவுகூர்ந்த ஸ்டாலின்,இந்த விவகாரத்தில் விவசாயிகளுக்கு அளித்த வாக்குறுதிகள் நிறைவேற்றப்படும் என தெரிவித்துள்ளார்.