#vandalsand #lorries ஈரோடு மாவட்டம் சத்தியமங்கலம் அருகே, வண்டல் மண் ஏற்றிச் சென்ற லாரிகளை தடுத்து நிறுத்தி பொதுமக்கள் போராட்டத்தில் ஈடுபட்டதால் பரபரப்பு ஏற்பட்டது. பவானிசாகர் அணை நீர்த்தேக்கப் பகுதியில் இருந்து வண்டல் மண் ஏற்றிச் செல்லும் லாரிகள், பவானிசாகர்–பண்ணாரி சாலையில் அதிவேகமாக செல்வதாக பொதுமக்கள் குற்றம்சாட்டினர். ஏற்கனவே லாரி மோதி இரண்டு ஆடுகள் உயிரிழந்த நிலையில், அதிகாரிகளிடம் புகார் அளித்தும் நடவடிக்கை இல்லை எனக் கூறப்படுகிறது. இதையடுத்து கொத்தமங்கலம் பகுதியில் 50-க்கும் மேற்பட்ட லாரிகளை பொதுமக்கள் தடுத்து நிறுத்தினர். அப்போது லாரி ஓட்டுநர்களுக்கும் பொதுமக்களுக்கும் இடையே கடும் வாக்குவாதம் மற்றும் தள்ளுமுள்ளு ஏற்பட்டது.