நெல்லை மாவட்டம் தென்காசி, இலஞ்சி, செங்கோட்டை, சுந்தரபாண்டியபுரம் உள்ளிட்ட பகுதிகளில் சுமார் 2 ஆயிரத்திற்கும் மேற்பட்ட குடும்பங்கள் மண்பாண்ட தொழிலை நம்பி வாழ்ந்து வருகின்றன. மண்பானை, அடுப்பு, பூந்தொட்டி போன்ற தொழில்களை செய்வதன் மூலம் இவர்கள் தங்கள் அன்றாட வாழ்க்கையை நடத்தி வருகின்றனர். ஆனால் ஆண்டுந்தோறும் வரும் விநாயகர் சதுர்த்தி விழாவின் போது அவர்கள் விநாயகர் சிலைகளை செய்வதும் வழக்கம். அதன்படி இந்த ஆண்டு சிலைகளை செய்யும் பணியில் அவர்கள் மும்முரம் காட்டி வருகின்றனர். ஆனால் பல நேரங்களில் சிலைகள் செய்வதற்கான மண் கிடைப்பதில் சிரமம் ஏற்படுவதாகவும் கூறப்படுகிறது.