டெல்லியில் இந்திய கம்யூனிஸ்ட் கட்சியின் தேசிய பொதுச்செயலாளர் டி. ராஜாவுடன், மதிமுக பொதுச்செயலாளரும், மாநிலங்களவை உறுப்பினருமான வைகோ சந்தித்தார். நாடாளுமன்ற வளாகத்தில் நடைபெற்ற இந்த சந்திப்பின்போது, தமிழர் ஒருவர் இந்திய கம்யூனிஸ்ட் கட்சியின் தேசிய பொதுச்செயலாளராக தேர்வானதை அறிந்து தாம், மகிழ்ச்சி அடைந்ததாகவும், இது பெருமை அளிப்பதகாவும் வைகோ தெரிவித்தார். இதனையடுத்து வைகோவுக்கு நன்றி தெரிவித்த டி.ராஜா, மாநிலங்களவை உறுப்பினராக தேர்வானதற்காக வாழ்த்து தெரிவித்தார்.