சென்னையில் உள்ள அறிவுசார் சொத்துரிமை தீர்ப்பாய அலுவலகத்தை வேறு இடத்திற்கு மாற்றும் முடிவை கைவிட வேண்டும் என, மதிமுக பொது செயலாளர் வைகோ, கோரிக்கை விடுத்துள்ளார். இது குறித்து மாநிலங்களவையில் உரையாற்றிய அவர், எந்த விதமான காரணங்களும் இன்றி இந்த முடிவு எடுக்கப்பட்டுள்ளதாக குற்றம் சாட்டினார். உச்சநீதிமன்றத்தின் கிளையை சென்னையில் அமைக்க வேண்டும் என்ற கோரிக்கை எழுந்து வரும் இந்த சூழலில் தீர்ப்பாயத்தின் கிளையை வேறு இடத்திற்கு மாற்றுவது தமிழக மக்களின் உணர்வுகளை புண்படுத்துவதாக உள்ளதாகவும் அவர் குறிப்பிட்டார்.