நாகையில் உள்ள பிரசித்திப்பெற்ற நெல்லுக்கடை மாரியம்மன் கோவில் சித்திரை திருவிழா தேரோட்டம் வெகு விமர்சையாக நடைபெற்றது. சித்திரை திருவிழா 3ஆம் தேதி பூச்சொரிதல் நிகழ்ச்சியுடன் தொடங்கியது. விழாவின் முக்கிய நிகழ்வான காத்தவராய சுவாமி செடில் மரத்தில் ஏறும் நிகழ்ச்சி இன்று நடைபெற்றது. இதில் ஆயிரத்திற்கு மேற்பட்டோர் தங்களது குழந்தைகளை செடில் மரத்தில் ஏற்றி நேர்த்திக்கடனை நிறைவேற்றினர். சுமார் 5 ஆயிரத்திற்கும் அதிகமான குழந்தைகள் செடில் மரத்தில் சுற்றப்பட உள்ளதால், நாளை காலை வரை இந்நிகழ்ச்சி தொடர்ந்து நடைபெற உள்ளது. தோராட்டத்தின் போது, பல்வேறு வகையான காவடிகளை எடுத்தும், மக்கள் நேர்த்திக்கடன்களை செலுத்தினர்.