பாரா ஒலிம்பிக்கில் தங்கப்பதக்கம் வென்ற மதுரை வீரர் மனோஜுக்கு, அமைச்சர் உதயநிதி ஸ்டாலின் நேரில் சென்று திருமண வாழ்த்து தெரிவித்தார். மதுரை அச்சம்பத்து பகுதியைச் சேர்ந்த மாற்றுத்திறனாளி வீரர் மனோஜ், 2016-ல் ஜெர்மனியில் நடைபெற்ற பாரா ஒலிம்பிக் போட்டியில் தங்கப்பதக்கம் வென்றார். இவரது திருமணம் கடந்த 5ம் தேதி நடைபெற்ற நிலையில், மனோஜ் வீட்டிற்கு அமைச்சர் உதயநிதி ஸ்டாலின் நேரில் சென்று திருமண வாழ்த்து தெரிவித்தார். இது தனக்கு மிகுந்த மகிழ்ச்சி அளிப்பதாக மனோஜ் குறிப்பிட்டார்.