மேட்டுப்பாளையம் பெட்ரோல் நிலையத்தில் இரு சக்கர வாகனத்திற்கு பெட்ரோல் பிடிக்கும் போது திடீர் தீ ஏற்பட்டதால் பொதுமக்கள் அலறியடித்து ஓட்டம் பிடித்தனர். மேட்டுப்பாளையம் ஊட்டி மெயின்ரோட்டில் பவானி ஆற்றுப்பாலம் அருகே செயல்பட்டு வரும் பெட்ரோல் நிலையத்திற்கு சிவா என்பவர் தனது இருசக்கர வாகனத்திற்கு பெட்ரோல் நிரப்ப சென்றுள்ளார். பெட்ரோல் பிடிக்கும்போது எதிர்பாராதவிதமாக டேங்க் குபீரென தீப்பிடித்து எரியத்தொடங்கியது. அப்போது பணியில் இருந்த ஊழியர் தங்கராஜ், விரைந்து செயல்பட்டு தீயணைப்பான் கருவி மூலம் தீயை அணைத்தார்.