கோவையை மையமாக கொண்டு வி3 ஆன்லைன் டிவி என்ற நிறுவனம் செயல்பட்டு வருகிறது. இந்த நிறுவனத்தின் மேலாளரான மதுரை, தனக்கன்குளம் பகுதியை சேர்ந்த விஜயராகவன் என்பவர் நேச்சுராபதியில் டாக்டர் பட்டம் பெற்றிருப்பதாக கூறி, ஹெர்பல் ப்ராடெக்டுகளை தயாரித்து என்பதுக்கும் மேற்பட்ட நிறுவனங்களுக்கு விற்பனை செய்து வந்தார். இதில், தற்போது சர்ச்சையில் சிக்கியிருக்கும் மைவி3 ஆட்ஸ் நிறுவனத்திற்கும் விஜயராகவனின் ஹெர்பல் ப்ராடெக்டுகள் விற்பனை செய்யப்பட்டது குறிப்பிடத்தக்கது. மேலும், மைவி3 ஆட்ஸ் நிறுவனத்திற்கும், விஜயராகவனுக்கும் தொடர்பிருப்பதாக கூறி தொடர்ச்சியான குற்றச்சாட்டுகளும் முன்வைக்கப்பட்டு வந்தன. இந்நிலையில், விஜயராகவன் நேச்சுராபதியில் பி.ஹெச்.டி பெற்றதாக கூறப்பட்ட பட்டத்தை சிதம்பரம் அண்ணாமலை பல்கலைகழகத்திற்கு போலீசார் அனுப்பி வைத்த போது பட்டம் போலியானது என்பது தெரியவந்தது பெரும் அதிர்ச்சியை ஏற்படுத்தியது