சிவகங்கை மாவட்டம், சிவகங்கை அருகே பட்டாசு வாங்கச் சென்ற கார் சாலையோர மரத்தில் மோதி விபத்துக்குள்ளானதில் ஒருவர் உயிரிழந்தார். மேலும், ஒருவர் உயிருக்கு ஆபத்தான நிலையில் சிகிச்சை பெற்று வருகிறார். இருவர் லேசான காயமடைந்தனர்.

தீபாவளிக்காக பட்டாசு வாங்குவதற்கு சிவகங்கையில் இருந்து சிவகாசி நோக்கிச் சென்ற கார், சாலையோர மரத்தில் மோதி விபத்துக்குள்ளானது. இதில் சிவகங்கை பொதிகை நகரைச் சேர்ந்த சிவசங்கர் உயிரிழந்தார்.

மேலும், காரில் பயணித்த கோபி படுகாயமடைந்த நிலையில், மேல் சிகிச்சைக்காக மதுரை மருத்துவமனைக்குக் கொண்டு செல்லப்பட்டார். பிரகாஷ் மற்றும் மணிபாரதி ஆகிய இருவருக்கும் லேசான காயங்கள் ஏற்பட்டன.

இந்த விபத்து குறித்து காவல்துறையினர் விசாரணை மேற்கொண்டு வருகின்றனர்

#sivagangai #accident #crackers #thanthitv